CONTROL PARENTAL - tecnoloxía, infancia e xuventude: ferramentas para familias

O ciclo celebrarase durante os meses de setembro e outubro, con charlas formativas presenciais de 2 horas de duración en aulas CeMIT de catro concellos galegos.

O primeiro encontro terá lugar o vindeiro venres 19 de setembro na aula CeMIT de Moaña e continuará en Riotorto, Celanova e San Sadurniño. Adicionalmente, o día 10 de outubro, tamén se celebrará unha xornada no Centro GaiásTech da Cidade da Cultura.

Contidos a tratar durante as xornadas

• Información. Cales poden ser os riscos dun mal uso da tecnoloxía?
• Responsabilidade e exemplo. Bases dunha boa educación dixital (establecemento de horários, limites, tempos para a desconexión dixital e, sobre todo, comunicación e presenza).
• Prevención e control. Ferramentas e aplicación para o control parental, máis aló do Family link.
• Recomendacións e boas prácticas para unha boa educación dixital na casa.

Inscrición e calendario de actividades

O prazo de inscrición está aberto e pode realizarse a través de portal da rede CeMIT. As datas e aulas das xornadas son as seguintes:

Calendario das actividades